الــحــقــيــبــة الــمــدرسـيـــة (( يفوتكم والله ))

هلو طلاب وطالبات

كلنا نعرف اختراع اسمه (الحقيبة المدرسية)
وهل يخفى القمر؟!

سويتلكم مقارنة بين الحقيبة المدرسية للشباب والحقيبة المدرسية للبنات

نبدي بحقيبة الشباب

* المظهر الخارجي

1- السحابات كلها فالتة ومشكلها بدنابيس وكل شوية ينتحر كتاب منها
2- مداليات كلها جماجم وهياكل عظمية وطوبة ومسدسات
3- قماشها روحه طالعة من وره السحل والشمر
4- فتحات تهوية للكتب (تابع للنقطة3)
5- صور كلها مال كرندايزر ودراغون بول وجنيرالز
6- لون الحقيبة ابيض , مو عبالكم هذا لونها هي سودة بس من وره التراب صارت بيضة

* داخل الحقيبة

1- طبعا تفتح السحاب (اذا موجود) او الدبوس تشوف الكتب والدفاتر صايرة تشريب
وغلاف الاحياء صاير على كتاب الجغرافية والدفاتر عبالك داخلة حرب عالمية
2- بالقاع مال الحقيبة اي شئ مفقود عندك تلكاه هناك اقلام , مساحات , مساطر , سيديات , واكيد اكيد لازم تلكي كمع لو كمعين مال صمونة
3- جيب الحقيبة الخاص للموبايل تلكي بمكانة جداحة وطلقات ام 25 دينار وصواريخ وبازوكات ( الاخ رايح ديجاهد)
وطبعا مراح تلكي الموبايل لانه شايله بجيبه وفاتح بلوتوث ودينقل اغاني لجماعته
4- الجيب الثاني تفتحه تلكي بيه اوراق مشكوكة وطالعة روحها (مو عبالك هذه زبالة)
هذه براشيم مال امتحانات والاخ حاطها لوقت الحاجة

حقيبة البنات

*المظهر الخارجي

1- السحابات كلها تشتغل وبكل سحاب اكو مدالية حلوة
2- لونها وردي او ازرق او اخضر فاتح
3- المداليات كلها باربي وحروف وميكي ماوس وقلوب
4- وطبعا القماش بيه ريحة تخبل من وره العطور الي حاطتها للجنطة
5- الصور المرسومة : باربي , دبدوب , وردة , قلوب

*داخل الحقيبة

1- اول منفتح السحاب تطلع ريحة خوخ وكاردينيا (هذا العطر مالتها)
2- الكتب والدفاتر مرتبة ومغلفة بجلاد وغلاف نايلون ولزكة الاسم فسفورية
3- محفظة مال باربي بيها اقلام ملونة ومساحات ومسطرة ولزكات (لدفتر المذكرات)
4- جيب الموبايل تفتحه تلكي بيه الموبايل ملفوف بكلينكس (خطية بردان) حتى لاتتشخط الشاشة
5- دفتر مذكرات وكارتات معايدة (وطبعا اكو كارت موبايل مشتريته من الحانوت لانه خلصت رصيدها ومتكدر تكول لأهلها على كارت)
6- اوراق مطوية ومحطوطة بظرف (رسائل صديقاتها)
وطبعا اكو باكيت كلينكس ابو 300 قطعة لأوقات النتائج مال الامتحانات

وانتوا حقيبتكم شكو ماكو بيها بله؟
خلي نشوف

شكرا جنتل على الموضوع ننتظر منك اكثر